საქართველოს მუნიციპალური  განვითარების ფონდმა  ქ.წყალტუბოს წყალმომარაგების სისტემის რეაბილიტაცია დაასრულა.

კონტრაქტორმა ფირმამ  ” ნიუ ქონსტრაქშენი”   სატუმბი სადგური შეაკეთა.  ძველი  წყლის მილები  ჩაანაცვლეს წნევიანი მილსადენით. მიწაში  ჩაიდო პოლიეთილინის და ფოლადის  მილები. დამონტაჟდა წყალსადენის  2 ტუმბო-აგრეგატი და ელექტრომოწყობილობები.

წყალტუბოს ტრანზიტული მილის რეაბილიტაციის საერთო ღირებულებაა  320, 202. 97  ლარი.

მუნიციპალური განვითარების ფონდი სამუშაოდ იწვევს მაღალკვალიფიციურ საერთაშორისო ექსპერტს, მეტროსადგურის ხაზის მშენებლობაში კონსულტაციის გასაწევად.

კონსულტანტის ძირითადი მოვალეობა იქნება ქ. თბილისის მეტროპოლიტენის მეორე ხაზის გაგრძელებისა და მეტროსადგურ  ”უნივერსიტეტის” მშენებლობის დეტალური პროექტის განხილვა.

მომსახურების სავარაუდო ღირებულება შეადგენს 28, 830  აშშ დოლარს.

საჭირო კვალიფიკაციისა და სხვა დეტალური ინფორმაციის გასაცნობად იხ. ბმული

CSRN Geo

მუნიციპალური განვითარების ფონდმა თელავის ცენტრალური ქუჩების  გარეგანათებით უზრუნველყოფა დაასრულა.  გარე განათების რეაბილიტაცია ერეკლეს მოედნის  ტერიტორიას  და  ჩოლოყაშვილის, რუსთაველის, ნადიკვრის, ბარნოვისა და ერეკლე მოერეს ქუჩებს შეეხო. აღნიშნულ ტერიტორიებზე  161 ერთსანათიანი, 59 ორსანათიანი და 20   ბრა  დამონტაჟდა.

პროექტის ღირებულებამ ჯამში 2 მლნ 523 ათას 510 ლარი შეადგინა. ( 2, 523, 509.24)

დონორი : მსოფლიო ბანკი .

კონტრაქტორი ფირმები : ე/ს სს „ერისიმედი“ და შპს  „ჯავა“.

დაბა ლენტეხში მუნიციპალური განვითარების ფონდმა  წყალსადენი სისტემის რეაბილიტაცია მოახდინა. პროექტის შედეგად წყალმომარაგება, რომელიც მოსახლეობის ნაწილს შეზღუდვებით მიეწოდებოდა, სრულად აღდგა და წყალი  ახლა  ლენტეხელებს 24 საათიან რეჟიმში მიეწოდებათ.

წყალსადენის 7 კმ-იან მონაკვეთზე — “თავადის წყაროდან”  ყარიშის რეზერვუარამდე–  კაპტაჟები, წყალმიმღები კამერა და სანიტარული დაცვის ღობე დამონტაჟდა. სამუშაოები შპს “მეოხმა” განახორციელა.

პროექტის საერთო ღირებულებამ შეადგინა  401 ათას 264  ლარი. დონორი: GOG

საქართველოს მუნიციპალური განვითარების  ფონდის აღმასრულებელი დირექტორი,  ელგუჯა ხოკრიშვილი  სამუშაო ვიზიტით აშშ- ში იმყოფებოდა. მან  „გლობალური ინფრასტრუქტურის მართვის სტრატეგიულ  ფორუმში“  (CG/LA)  მიიღო მონაწილეობა, რომელიც ნიუ-იორკში ყოველწლიურად იმართება და  უკვე მე-6 წელია  უმსხვილეს ინფრასტრუქტურულ პროექტებს  უყრის თავს მთელი მსოფლიო მასშტაბით  (http://www.cg-la.com) .  ფორუმმა  წელს  ინფრასტრუქტურის 100  ყველაზე გლობალურ  პროექტს უმასპინძლა, მათ შორის იყო  საქართველოს  ინფრასტრუქტურული პროექტებიც , რომლებიც  ფორუმის მონაწილეებს ელგუჯა ხოკრიშვილმა გააცნო.

დღეს რეგიონული განვითარებისა და ინფრასტრუქტურის სამინისტროში მინისტრის მოადგილემ შოთა მურღულიამ და მუნიციპალური განვითარების ფონდის დირექტორმა ელგუჯა ხოკრიშვილმა ბრიფინგი გამართეს.

აღნიშნული ბრიფინგის აუცილებლობა თბილისის მერის, გიგი უგულავას მიერ გაკეთებულმა განცხადებამ გამოიწვია, რომელიც მდინარე მტკვარზე, ვეფხისა და მოყმის ძეგლთან, მარშალ გელოვანისა და სამტრედიის ქუჩის დამაკავშირებელო ხიდის მშენებლობას ეხებოდა და რომელშიც გიგი უგულავამ რეგიონული განვითარებისა და ინფრასტრუქტურის სამინისტრო ხიდის მშენებლობაზე უარის თქმასა და ხალხის მოთხოვნათა უგულვებელყოფაში სრულიად უსაფუძვლოდ დაადანაშაულა.

მინისტრის მოადგილის, შოთა მურღულიას განცხადებით, 2012 წლის 28 დეკემბერს მერიამ თავად გადმოუგზავნა სამინისტროს სამტრედიის ქუჩის მაცხოვრებელთა წერილი განსახილველად, რომელსაც 500 ოჯახი აწერდა ხელს. აღნიშნულ წერილში მოსახლეობა ხიდის მშენებლობაზე უარის თქმას ითხოვდა და მიზეზად ეკოლოგიურ პრობლემებსა და სამტრედიის ქუჩაზე არსებულ გადატვირთულ მოძრაობას ასახელებდა. სამინისტროს შესაბამისმა სამსახურებმა განიხილეს არსებული პროექტი და მისი ძვირადღირებულების (პროექტი აზიის განვითარების ბანკისა და საქართველოს ბიუჯეტის ერთობლივი დაფინანსებით უნდა გახორციელებულიყო და მისი ღირებულება 80 მლნ ლარი გახლდათ), დიდი საექსპლუატაციო ხარჯების (5 მლნ ლარი წელიწადში) და მოსახლეობისათვის მიყენებული ზიანის საფუძველზე, აღნიშნული ხიდის მშენებლობაზე უარი განაცხადეს.

როგორც შოთა მურღულიამ განაცხადა, გიგი უგულავას განცხადება პრობლემის გადაბრალების უსუსური მცდელობა იყო. სამინისტრო და მუნიციპალური განვითარების ფონდი მზად არიან, განახორციელონ მდინარე მტკავრზე ხიდის მშენებლობა, თუ მერია წარმოადგენს პროექტის მოსახლეობასთან შეთანხმებულ, ალტერნატიულ ვარიანტს.